ភ្នំពេញ៖ ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្វាយព្រះពរជូនចំពោះព្រះវររាជមាតាជាតិខ្មែរក្នុងឱកាសចម្រើនព្រះជន្មាយុព្រះអង្គគម្រប់៨៧ ឈានចូល ៨៨ព្រះវស្សា។
សម្ដេចកិត្តិព្រឹទ្ធបណ្ឌិតបានថ្វាយព្រះពរ ហ្លួងម៉ែ សូមព្រះអង្គមានព្រះរាជសុខភាពល្អពេញបរិបូរណ៍ ព្រះពលានុភាពមាំមួន និងមានព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាមហាម្លប់ដ៏ត្រជាក់ត្រជុំ សម្រាប់ប្រជារាស្ត្រជាកូន ជាចៅ ចៅទួត ចៅលូត របស់ព្រះអង្គ ជ្រកកោនប្រកបដោយសេចក្តីសុខរមនីយតរៀងទៅ។
សម្ដេចកត្តិព្រឹទ្ធបណ្ឌិតក៏បានលើកឡើងពីវីរភាពរបស់សម្ដេចព្រះវររាជមាតាជាតិខ្មែរដែលក្នុងនាមព្រះអង្គជាព្រះប្រធានកិត្តិយសកាកបាទក្រហមកម្ពុជាដែលតែងតែបានលើកទឹកចិត្តទៅដល់សម្ដេចកត្តិព្រឹទ្ធបណ្ឌិតក៏ដូចជាសហការីទាំងអស់ក្នុងកិច្ចការមនុស្សធម៌ដើម្បីចូលរួមជួយជាតិប្រជាជនកម្ពុជាផងដែរ។
គួរឲ្យដឹងផងដែរថា ព្រះមហាវីរក្សត្រី នរោត្ដម មុនីនាថ សីហនុ ប្រសូតនៅថ្ងៃទី១៨ ខែមិថុនា ឆ្នាំ១៩៣៦ ទ្រង់បានរៀបអភិសេធជាមួយសម្ដេចព្រះនរោត្តម សីហនុ នៅឆ្នាំ១៩៥៥៕
